iMobile-in qarşısında duran əsas problem reklam xərclərinin gətirdiyi nəticə ilə mütənasib olmaması idi. Kampaniyalar geniş auditoriyaya yönəlmişdi, lakin bu yanaşma büdcəni sürətlə əridir və hər yazışmanın dəyərini $2 səviyyəsində saxlayırdı. Hədəfləmə kifayət qədər dəqiq deyildi, kreativlər isə düzgün auditoriya seqmentlərinə çatmırdı. Nəticədə şirkət çoxlu pul xərcləyir, amma bunun müqabilində zəif və bahalı müraciətlər alırdı. Vəziyyəti dəyişmək üçün kampaniyaların kökündən yenidən qurulmasına ehtiyac var idi.

Biz işə reklam kampaniyalarının dərin auditindən və analizindən başladıq, hansı auditoriyaların, kreativlərin və vaxt aralıqlarının real nəticə gətirdiyini müəyyən etdik. Hədəfləməni yenidən qurduq və kreativləri daha aydın, satışa yönəlmiş mesajlarla təkmilləşdirdik ki, reklam düzgün insanlara doğru anda çatsın. Bundan sonra auditoriya və büdcənin davamlı optimallaşdırılması prosesini qurduq — hər bir kampaniyanı ölçdük, zəif nöqtələri kəsdik və büdcəni ən yaxşı işləyən istiqamətlərə yönləndirdik. Bizim məqsədimiz sadəcə ucuz reklam deyil, ucuz və keyfiyyətli müraciət əldə etmək idi.

Sistemli optimallaşdırma qısa müddətdə çox aydın nəticələr verdi. Reklamın səmərəliliyi 20 dəfə artdı, hər yazışmanın dəyəri isə $2-dan $0.10-a endi. Xərclər dəfələrlə azalsa da, gələn müraciətlərin keyfiyyəti yüksəldi və bu birbaşa satışlara müsbət təsir etdi. Nəticədə iMobile-in dövriyyəsi artdı və şirkət eyni büdcə ilə daha çox nəticə əldə etdi. Bu layihə performans marketinqinin büdcəni necə real satışa çevirə biləcəyinin açıq nümunəsidir.